وانا فـ آب الدرامي شلت يا أيلول
شهر كذبات ماقابلته بإحسان
يمرون البشر وأشوفهم وأقول
بشر تؤمن بأن "لاحاجة لإيمان"
وإذا شغلي مع الدنيا فأنا مشغول
وإذا شغلي مع الانسان فيني إنسان
يشوف إن الحياة بكرسي المسؤول
إذا المسؤول له كرسي ، مع الخذلان
تعبت أكتب كتاباتي عن المجهول
وانا المجهول في كتبه من العنوان
ياصاحب وش نهاية هالاماني قول
مدام أني قبل لأبدأ انا الخسران
ذكرت أشياء فالأصوات لو معقول
بإن الصوت لو طابق من الشيطان
أحبه ورغم ماعاني وانا معزول
وأحبه قبل لا يقرى صحف جبران
ولو الاسماء تتغيّر بمر الحول
وش الاسم الثلاثي لانطقت إسمان
انا سلمان ! ياصاحب ابيك حلول
وإذا الحل بيدينك هات لي سلمان
ليست هناك تعليقات:
إرسال تعليق