عيد النظر في هالقرار المختصر
واوجد حلول اللي تعب من مشكلة
لاتختصر عمر السعادة وتعبر
ولاتستمع من سامعيّك الأسئلة
خلك مثل ماقالوا الناس استمر
ولا تستمر في كوكبه من مهزله
مجّد من التاريخ حقك بالشعر
واصنع مع الاسم الثنائي سلسلة
خل اللي مايعرف يعرفك من خبر
يقرأه من آخره او من أوله
ياصاحبي في هالوجه تامر امر
لكن انا من مرحلة ليـ مرحلة
محتاج سبع أشياء تغني عن بشر
مااقصد المنفى ولا قصدي هلّه
انا اكتشفت ان كل مااكتب سطر
امسح من اجمل ذاكرتهم أجمله
وانا اكتشفت ان كل مااخسر عمر
اخسر من اصدقهم صديق واجهله
لاعاد تنشد كيف حال المنتظر
لو كان في رأسك شجاعه إسالة
ماهو على كثر التفاهه منتظر
ولا هو صله من مجتمع خالي صله
شاري رضى نفسه ونفسه لو قدر
يترك رضى المخلوق خلقه بعمله
ياصاحبي ماقلت لك بإن السهر
مني خذا دمعات مافيها وله
على كثر ماانتصر ضد الصبر
على كثر ماخاف حلم و أوصلة
ليست هناك تعليقات:
إرسال تعليق