بتشرط حلم ، لاتشرط على الثوار
كثير احلام فالدنيا لها تفسير ..
.بتلقى شر ؟ والغالب على الاخيار
لان الخير مايكفي لانه خير
كتبت الشعر في عالم من الامرار
لو ان الشعر مايكفي عن التقصير
تبي تحلم تكون الشاعر اللي صار
فوقت الناس تتشمت على اللي يصير
ياشيخ الورد لو يأخذ شكل صبار
يازين الورد في كفك وكف الغير
تباهى بالدموع الجارية ياجار
وخل الضحك له وقته ووقته صير
تجينا امطار ولا ماتجينا امطار
بنزعل بس فالآخر لنا هالبير
ياسيد الناس لا تحسب على المشوار
ياطول الدرب في عيني وهو قصير
اشوف وجيه ماتستاهل الدينار
وهم وجيه بس وجيه من تعبير ..
تبي تجمع دنانيرك من الأقطار
وتبي تكسب حُلي وساعة واامير
تصير العبد للمأمور والأمار
وتصير اللي نبي والي نبيه تصير
الا ياشين رفقة من نبيك يسار
وإلا يازين من يبغاك ، للأخير
ليست هناك تعليقات:
إرسال تعليق