حبيبه صوتي الغايب مع الكذاب
أنا بين أتنفس ضيق او ما أضيق
.
.اكذّب كل دمعاتي بدون أسباب
واصدق ضحكتي لاجتمعت بتصديق
.
.حبيبتنا أنا والشعر واللي حاب
يكون الشاعر لحاله له التشويق
.
.كبرت وصرت شاعرهم بلا إعراب
.وصار الـ قٓرم يعرفنّي مع الزنديق
.
.أنا اللي صرت صرت وصرت حتى غاب
.ويوم إنه رجع ، عدوه من الإغريق
.
.حضارتهم لهم تُكتب من الإعجاب
وحنا وش بنينا ؟ حقد للـ تفريق
.
.نظن إن الأدب كلمه أدب بكتاب
وغيره ليت نختمها له ، التوفيق
.
.يـ شعّار الزمن هذا ، لكم لعّتاب
يـ شعّار الزمن هذا لكم تصفيق
.
.ويـ شّعار الزمن هذا ، زمن أسراب
يـ شعّار الزمن هذا ، زمن تعليق
.
.نبيع القيمة العليا عشان ! تراب
نضحي في حقيقتنا ، ونفك الريق
.
.وياأخ الدمع كم عانيت لجل أقراب
وانا مابيّن ، دمع ودمع للتشريق
.
.سهرت وصرت اعيّد الظن لو هو خاب
ياظن الناس منت بحاجة لتحقيق !
